一篇好文章

http://hk.myblog.yahoo.com/jason_kc_wong/article?new=1&mid=29

火燎森 - 傳媒打做的商品

最近見到好多BLOGGERS投訴火燎森就係時常在其他出名BLOGGERS留下惡言既紅字人，姓火的當然唔會認(比著我都唔會)，咁到底實情係點？其實心水清少少既讀者都可以估到。

先講從前姓火的BLOG是大約數天才會出一個POST，但出書後既佢而家一日會出數個BLOG，當中有7-8成都只是QUOTE新聞或其他人的文章，基本上連他自己的睇法都欠奉，其實如果自己無乜野想分享點解仲要出咁多POST？目的好簡單，就係為左KEEP住個BLOG既人氣，保住O係排行榜的高位。

另外我可以十分肯定他是在857大約11.5元時全數沽出及償還大部份貸款，他聲稱當日在1.6-1.8元的入貨價，大約升值了6倍，以最初本金50萬，4年內計及股息、扣除貸款利息，由於姓火的是沒有正職的人，他在這4年是沒有其他正現金流入再買股的，只能以股息再入貨，但這些貨的成本一定高於第一注的1.6-1.8元，所以就算他借上借，按股再買，也是不可能以本金50萬賺取到20倍利潤的1000萬(如果我沒有記錯，他公報的857平均成本是4元以上的)，這就是為什麼他要說謊聲稱自己在15元沽貨，因為他自己明白唔咁講係無辦法自圓其說。

其實對於呢D事我覺得都係香港時常可以睇到既商業行為，這名姓火的BLOGGER其實都係傳媒素做出黎既得益者或犧牲品，在現今的社會上，傳媒誇張失實的報導早已經見唔少，我唔清楚"向巴菲特借1000萬"這個哇眾取寵的書名是出版社的主意還是作者的意思，但這個名字就充滿了香港傳媒的特色，書名有巴菲特三個字已經係銷量的保證，再加上1000萬這個數字就更加容易令當時大牛市下的讀書著魔。另外值得一提既係書既封面用左作者自己既真面目，我看過其他這個出版社同系列的書，如一些其他BLOGGERS錢志健的金融圈內和市場先生的只賺不止蝕，他們的書都沒有清楚展示出自己的樣貌，點解？好明顯這是出版社和傳媒刻意想素做出一個2007年大牛市下年青有為、投資有道的公眾人物，就是大家所說的少年股神。要創做出這樣的一個人物係需要大量既時間同物資的，所以你見到少年股神出書的前後佢有好多電視、雜誌同報章既訪問，佢既髮型、衣著同說話技巧都經過刻意的安排，所有既一切都係推銷呢一號人物既配套。

如果大家明白呢一點就自然明白點解一D出名的BLOGGER會比人惡意攻擊，而一D O係姓火的BLOG留下的負面的評論都會一一被刪除。就如財經演員永遠都唔會比出一個肯定的答案，永遠說話都會留有後路比自己一樣，這就是遊戲的規則，少年股神係唔可以出錯或比人質疑的，出版社同傳媒辛苦建造出黎讀者心目中少年股神既形象係唔可以動搖的，所以佢QUOTE既新聞係唔會比太多COMMENTS，因為容易出錯，而佢又愛時常以回覆讀者的問題作為主題開POST以固定自己"有好多讀者相信"的形象，呢D動作未必係佢自己個人既意願，有可能係傳媒指導下的做法(好像說得太遠)。

姓火的現在下了一個比較大的賭注，如果他所推介，自己不斷買進的173股價飛升的話，他就能加強自己O係讀者心目中股神既型象，相反最多只係打回原型變回一個普通人，這個賭注絕對值得下。

如果講而家既火燎森係一個BLOGGER，不如講佢係更加類似財經演員那一類型更加貼切，我諗佢地分別大概係財演會話比你知股票有風險，一定要守止蝕位，但姓火的打著長線投資的旗號，只會叫你"不斷買進，不設止蝕，借錢投資，0風險"，從某角度看他比任何財經演員更加危險。

逍遙仙子 的回應:

講中晒我想講o既o野. 去年大牛市, 傳媒趁熱打熱, 嘩眾取寵, 炮製出好多"股神"出來, 上至"亞洲股神"四叔, 下至"少年股神"火燎森, "美少女股神"V小姐 (如果冇記錯o既話, 呢個女股神只係一次大學生模擬投資比賽買窩輪幸運地羸o左, 咁都可以被封傳媒為股神, 人地問佢有幾多實戰經驗, 佢都支吾以對, 但係至今個個星期晌報紙有專欄講股!!!), 大專股神, 中學生股神, 師奶股神等. 所以火燎森o既傳奇故事, 有幾多成係真o既都成疑問, 特別係SARS期間, 一個大學生點樣可以憑信用卡問銀行借50萬, 佢一直都冇明確交代. 當然, 我地都唔需要考究佢個50萬點樣黎, 同埋佢係咪真係賺到一千萬, 傳媒已經達到佢地o既目的: 借一個發達o既神話, 而催谷o左銷路/收視, 而佢同有關出版社更加唔放過呢個機會, 趁勢出書搵真銀 (本人亦因好奇而買其書).

佢一夜之間成為o左城中名人, 年青人偶像, 模範, 被捧上神檯, 要走返落來做普通人好難. 為o左維護"股神"o既無誤兼權威形象, 佢要不斷死撐, 佢o既blog 只能容下附和者 (因為佢依家太出名, 好多人會去睇佢個blog). 當然, 我相信呢d行為純粹係佢自己o既自專心作崇, 而唔係依傳媒指示來做, 因為近期佢已經好少晌傳媒露面, 佢晌傳媒眼中已經冇太多炒作價值. 佢最近寫blog水準, 相信佢打算出第二本書o既計劃大有可能胎死腹中. 其實, 佢一直標榜死跟巴sir, 佢大可以在中石油一役後, 割禾青封金口. 依家佢不斷推介其他股票, 先有483, 2813, 後有2343, 1200, 173等, 尤以最近173他推介最力, 也最受爭議. 到底佢係為o左keep 住個blog o既人氣, 孤注一擲, 還是背後有別有用心的人, 趁佢仲晌神檯上受fans膜拜之時, 利用佢把口來高位散貨, 不惜賠上自己聲譽?? 只有佢自己先知啦! (可能連佢自己都唔知!)